Zeınetker ólip qalǵan jolaýshysyn 2 myń shaqyrym boıy kóliginde alyp júrgen
ASTANA. QazAqparat - 62 jastaǵy amerıkandyqtyń kóligin toqtatqan polıtseıler adam sengisiz oqıǵaǵa kýá boldy. Aldyńǵy oryndyqta qaýipsizdik beldigin taǵynyp otyrǵan áıel adam óli bolyp shyqty. Belgili bolǵandaı, Reı Tomplınson kólikte óli deneni 2 myń shaqyrym boıy ózimen birge alyp júrgen, dep habarlady Ýtro.rý.
Tomplınsonnyń aıtýynsha, qasyndaǵy 31 jastaǵy jolaýshysynyń qaıtys bolǵanyn ol orta jolda bir-aq sezgen. Zeınetker áıeldiń shamamen Oklahoma, Tehas shtattarynda mańyna kelgende jan tapsyrǵanyn aıtty. Biraq ol saparyn ári qaraı jalǵastyrǵan.
Tańqalarlyǵy, polıtseıler oǵan esh aıyp taqpady, zeınetkerdiń áreketi túsiniksizdeý bolǵanymen, áıel adam kúshtep óltirilmegen. Onyń qaıtys bolý sebebi dárini mólsherden tys qabyldaýynan oryn alýy múmkin degen boljam bar. Tabylǵan kezde áıeldiń qaza tapqanyna keminde 24 saǵat bolǵandyǵy anyqtaldy. Aıta keteıik, naýryz aıynyń ortasynda osyǵan uqsas oqıǵa Frantsııa temirjolynda oryn alǵan edi. Ótkelderdiń birinde júrdek poıyz velosıpedshini basyp ketken. Mashınıst ony baıqamaı, aldyna ilinip qalǵan máıitpen 40 shaqyrym joldy júrip ótken. «Biz jol qatparyndaǵy júrginshini kóre almaımyz. Eger kimde-kim poıyz astyna tússe, biz eshteńe jasaı almaımyz. Óıtkeni bul poıyz. Ony toqtatý úshin 100 metr qashyqtyq ta jetkiliksiz», - dedi júrgizýshi. Bul oqıǵadan keıin tergeý júrgizildi, sarapshylar bul ólimniń kezdeısoqtyq pa, álde óz-ózine qol salý ma, sony anyqtaýy tıis boldy.
