Zeınetker elektrshiden Pıkassonyń 270-ten astam týyndysy tabyldy
ASTANA. 29 qarasha. QazAqparat - Ataqty sýretshi Pablo Pıkassonyń uly ákesiniń qolynda birneshe jyl boıy elektrshi bolyp jumys istegen zeınetkerdi sotqa berdi.
Shaǵymdanýshynyń aıtýynsha, álgi zeınetker, kezinde elektrshi bolyp jumys istep júrgen kezinde sheberdiń quny 60 mıllıon eýrony shamalaıtyn 270-den astam jumysyn ózine alyp alǵan, dep jazady Utro.ru saıty.
Ákesiniń buryndary belgisiz bolyp kelgen sýretteri men jazbalarynan turatyn bul «qazyna» týraly Klod Pıkasso qyrkúıek aıynda ǵana bilgen. Atalmysh týyndylardyń tóltýmalyǵyn rastaıtyn sertıfıkat surap kelgen frantsýzdyq erli-zaıyptynyń otaǵasy sýretshiniń burynǵy elektrshisi bolyp shyqqan.
Burynǵy elektrshi, qazir zeınette júrgen Per Le Gennektiń aıtýynsha, barlyq týyndylardy, sýretshiniń ómiriniń sońǵy úsh jylynda onyń úıleri men vıllalarynda qyzmet etken oǵan metrdiń ózi tartý etken. Biraq ta Pıkassonyń murageri buǵan senbeı otyr. Onyń aıtýynsha, búkil ómirin sarp etken munshalyqty týyndyny ákesiniń «kóldeneń kók attyǵa» ustata salýy ekitalaı.
