Zeınetker áıel esep berýge kelgen ákimderge tosaptar taratty
ASTANA. QazAqparat - Saıajaıda turatyn zeınetker áıel Oral qalasy ákiminiń esebine shaǵym emes, alǵys aıtýǵa kelgen, dep jazady "Moı GOROD" portaly.
Zeınetker Zoıa Skachkova ákimniń jergilikti turǵyndarmen kezdesýine kóterińki kóńil-kúı syılady. Ol alǵashynda qala basshylyǵynyń jumysy ońaı emestigin aıtyp, keıinnen óz ómirin baıandady. Sodan soń ákimderge saıajaılyq maýsym kezinde ózi ázirlegen tosaptardan taratty.
Batys Qazaqstan oblysynyń ákimi Altaı Kólginov eseptik kezdesýdiń «Pole chýdes» baǵdarlamasyna uqsap bara jatqany týraly qaljyńdady.
Zeınetker áıel qala basshysy Narıman Tóreǵalıevtiń shara barysynda qaıta-qaıta jótelgenin baıqap, oǵan tezirek saýyǵyp ketýdi tiledi.
Aıta keteıik, Oral qalasy ákiminiń eseptik kezdesýi jóninde buǵan deıin habarlaǵan bolatynbyz. Narıman Tóreǵalıev bıyl shaharda 8 mlrd. teńgege 50 shaqyrymnan astam jol jóndeletinin, 10 jańa úı boı kóteretinin , al apattyq úıler máselesi birtindep sheshiletinin aıtty . Sondaı-aq 2017 jyly Oralda 900 mln. teńgege 38 aýla aýmaǵyn abattandyrýǵa jobalar jasaldy.
