Zeınetker avtobýsta 2 myń dollary men bank kartochkalarynan aıyrylyp qaldy
ShYMKENT. QazAqparat - Shymkentte qalta urlyǵyn kásip etken áıel zeınetkerdiń sómkesinen 2 myń AQSh dollary men bank kartochkalaryn qoldy etti, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, zeınetkerdiń polıtsııaǵa jazǵan aryzynan keıin uryny izdestirý jumystary bastalǵan. Qarııa qoǵamdyq kólikte sómkesindegi ámııanynan aıyrylyp qalǵanyn aıtqan. Ámııanda 2 myń AQSh dollary men bank kartochkalary bolǵan.
Ál-Farabı polıtsııa bóliminiń qyzmetkerleri jedel-izdestirý sharalaryn júrgizý nátıjesinde 1972 jyly týǵan áıeldi ustady.
Tergeý barysynda onyń urlyqqa qatysy bary rastaldy. Ol ámııanda tabylǵan pın-kod arqyly kartochkadan 600 myńnan astam tengeni de sheship alǵan. Urlanǵan aqshany óz qajettiligine jumsaǵan. Qazirgi tańda atalǵan faktige baılanysty Qylmystyq kodekstiń 188-baby («Urlyq») boıynsha is qozǵalyp, sotqa deıingi tergeý amaldary júrgizilýde.
Kúdiktiniń ózge qylmystarǵa qatystylyǵy anyqtalyp jatyr.
