Zeınetker ana 75 myń teńgege óz ulyn óltirýge tapsyrys bergen
ASTANA. Sáýirdiń 21-i. QazAqparat /Arman Asqarov/ - Pavlodar qalasynda óz ulyn óltirgeni úshin 75 myń teńge kóleminde aqshalaı syıaqy beremin degen zeınetker ana ustaldy.
Bul týraly búgingi baspasóz máslıhatynda QR Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń málimeti boıynsha, kisi óltirýge tapsyrys berilgeni týraly jedel aqparat túskennen keıin, Uıymdasqan qylmysqa qarsy kúres basqarmasy qyzmetkerleri tapsyrys berýshiniń 70 jastaǵy zeınetker ekendigin anyqtady. Polıtsııa qyzmetkerleriniń biri jasyryn túrde tapsyrysty oryndaýshy retinde zeınetker anaǵa habarlasyp, máseleniń mán-jaıyn bilgen. «Sol kezde zeınetker ananyń óz ulyn páter úshin óltirýge tapsyrys bergendigi anyqtaldy. Osydan keıin kisi ólimin jalǵan kórsetý arqyly óz ulyn óltirýge tapsyrys bergen keıýana 75 myń teńge berý ústinde ustaldy», - deıdi Q.Jumanov.
Departament basshysy atap kórsetkendeı, zeınetker ana óz ulyn óltirgendigin rastaıtyn dáıekter retinde onyń jeke kýáligin, aıaq kıimi men uıaly telefonyn alyp kelýdi talap etken. Qazirgi kezde osy oqıǵa qylmystyq is qozǵalyp otyr.
