Zeınetker 20 jyl tynbaı eńbektenip, ǵajaıyp tropıkalyq orman ósirdi
ASTANA. QazAqparat - Nık Ýılson 90-ynshy jyldarda Anglııanyń eń ásem jerleriniń biri - Kornýoll graftyǵynda otbasymen demalǵan shaǵynda sondaǵy ósip turǵan tropıkalyq ósimdikterge qatty qyzyqqan.
Sońynan óz úıiniń mańynda ósirýge bel býady. Ol jıyrma jyldyń ishinde 1, 2 mln dollar jumsap, óz maqsatyna jetti.
«Maǵan tropıkalyq ósimdikterdi ósirýge 20 jyl ýaqyt ketti. Qazir munda san alýan qyryqqulaqtar (paporotnıkter) bambýktar jáne úlken japyraqty ósimdikter barshylyq», - deıdi Nık Ýılson.
Baqty kórkeıtip turǵan ósimdikter asa sırek te kezdespeıdi. Bulardy Ulybrıtanııanyń kez kelgen baq ortalyqtarynan kezdestirýge bolady.
Zeınetker jýnglıin kórýge tilek bildirgen jandardy qýanyshpen qarsy alady. Tek azdap, aqsha alatyny bolmasa. Biraq ol barlyq tólemderdi túrli qaıyrymdylyq qorlaryna beredi.
Sońǵy ret ǵajaıyp baqty 500 qonaq aralaǵan. Budan 3,2 myń dollar tústi.
Jýnglıdi ustap turýǵa jyl saıyn shamamen 257 dollar jaratylady.
Tropıkalyq ósimdikter qysqy sýyqqa da tózimdi. Nıkke bul maýsymda tek keıbirin ǵana qymtaýyna týra keledi. Al aıaz býǵan shaqtarda úıine kirgizedi.
Onyń zaıyby eriniń bul isine qoldaý bildirgen ári óz úılerinde tropıkalyq orman barlyǵyn maqtan tutady.
