Zeınetke shyqqan soń kólik júrgizýdi birden doǵarsa ne bolady?
ASTANA. QazAqparat - AQSh zertteýshileri qyzyq tujyrym jasady. Olardyń aıtýynsha, jasy kelip qalǵan adamdardyń kólik aıdaýdy birden doǵarmaǵany jón. Sebebi bul olardyń densaýlyǵyna keri áser etýi yqtımal.
Zertteýge 65 jastan asyp, odan ári kólik júrgizýdi doǵarýdy uıǵarǵan zeınetkerler qatysqan. Aqyry temir tulpar tizginine otyrýdy birden qoıyp ketken qarttar kúızeliske ushyraıtyny anyqtaldy. Al sol kezde belsendilik joǵaltpaı, kólik aıdaýyn jalǵastyra bergen zeınetkerler ózderin kúıli-qýatty sezingen, dep jazady informing.ru.
Aýrýhanaǵa jıi túsetinder de alǵashqy qatardaǵylar bolǵan. Mamandardyń aıtýynsha, kólik aıdaý qarttarǵa ózindik erkindikti beredi eken. Al ony qoıǵan kezde zeınetkerdiń psıhologııalyq, fızıkalyq jaǵdaıy kúrt nasharlaıdy, dep jazady 24.kz .
