Zeınetke shyqqan qyzmetkerler nege jumys istep júr

ASTANA. QazAqparat – Eńbek jáne halyqty áleýmettik qorǵaý mınıstri Tamara Dúısenova zeınetke shyqqan qyzmetkerlerdiń nelikten jumys istep júrgenin túsindirdi, dep habarlaıdy QazAqparat tilshisi.

«Eńbek kodeksine sáıkes, jumys berýshilerge sol adamnyń jumys tájirıbesine qaraı eńbek kelisimshartyn jalǵastyrýdy ne toqtatýdy aıqyndaý múmkindigin berdik. Kóptegen jumys berýshi zeınetke shyqqan adamdardy burynǵy laýazymynda alyp júrgen jalaqysymen qaldyrady», - dedi Senattyń jalpy otyrysynan keıin BAQ ókilderiniń saýalyna jaýap bergen mınıstr.

Onyń atap ótýinshe, Eńbek mınıstrligi mundaı múmkinshilikke tosqaýyl qoımaıdy.

«Munyń ústine olar respýblıkalyq bıýdjetten beriletin zeınetaqy tólemin alady. Iá, jekelegen jaǵdaıda otbasylyq bıýdjetteri qajettiligi úshin jumysyn jalǵastyryp júrgen adamdar da bar. ıAǵnı, biz olardyń jumys isteýine kedergi bolmaımyz. Bul adamnyń óz tańdaýy», - dedi Tamara Dúısenova.

Vedomstvo basshysy, sondaı-aq tilshilerdiń «zeınet jasyna jetkennen keıin jumys isteýdi jalǵastyrasyz ba?» degen saýalyna jaýap berdi.

«Eger meniń tájirıbem qajet bolsa, onda jumys isteı beremin. Al eger tájirıbem qajet bolsa, onda mende zeınette bolamyn. Zeınetaqy tólemin alyp otyramyn», - dedi ol.