Zeınetaqynyń bir bóligi jekelegen salymshylarǵa nelikten berilmeı jatyr
NUR-SULTAN. QazAqparat – «Biryńǵaı jınaqtaýshy zeınetaqy qory» AQ Basqarma tóraǵasy Janat Qurmanov keıbir salymshylarǵa nelikten zeınetaqynyń bir bóligi berilmeı jatqanyn túsindirdi, dep habarlaıdy QazAqparat tilshisi.
«25-30 qańtar aralyǵynda BJZQ-ǵa 52 myńnan astam ótinim kelip tústi. Onyń ishinde jalpy jınaqtyq somasy 212 mlrd teńgelik 38 389 ótinim (74%) odan ári qaraý úshin qabyldandy. Tólenýge tıis soma 5,5 mıllıon teńgeni qurady. 28 qańtardan bastap BJZQ «Qazaqstan halyq bankiniń» ýákiletti operatorlarynan ótinishter qabyldaı bastady», - dedi Janat Qurmanov OKQ-da ótip jatqan baspasóz máslıhatynda.
Onyń aıtýynsha, BJZQ-da ótinimder qabyldaý bastalǵannan beri jalpy somasy 212,6 mlrd teńgege 38507 ótinim aldyn ala maquldanǵan.
«Taldaý jumystary kórsetkendeı, ótinimderdi qabyldaýdan bas tartýdyń basty sebebi - salymshylar óz ótiniminde qoljetimdi mólsherden asatyn somany kórsetken. Ótinimniń qabyldanbaý jaǵdaıynyń 13% - suralǵan somalardyń qoljetimdi soma mólsherinen asyp ketýimen baılanysty. Sondaı-aq qaıtalanǵan ótinishter de boldy. Tipti múlde jınaǵy joq adamdardan ótinishter keldi. Durys resimdelmegen ótinishter de bar», - dep atap ótti spıker.
