Zeınetaqyny jańǵyrtýǵa baǵyttalǵan zań jobasy Konstıtýtsııaǵa qaıshy emes - Eńbek mınıstri

Búgin Parlament Senatynda «Qazaqstan Respýblıkasynda zeınetaqymen qamsyzdandyrý týraly» zań jobasyn talqylaý barysynda Eńbek jáne halyqty áleýmettik qorǵaý mınıstri Serik Ábdenov osylaı málim etti.

Depýtattardyń saýalyna jaýap berý barysynda mınıstr Konstıtýtsııalyq Keńeske júginý reglamentin eske sala kele, zań jobasyn Parlamentke usynbas buryn barlyq memlekettik organdarmen kelisilgenin atap ótti. «Osy jumystar barysynda biz zań jobasynyń eshqandaıda Konstıtýtsııaǵa da, basqa da zań normalaryna qaıshylyǵyn anyqtaǵan emespiz», dedi S. Ábdenov.

Budan bólek, vedomstvo basshysy zańnyń keri kúshi bolmaıtynyn, onyń búgingi zeınetkerlerden góri keleshek zeınetkerlerge baǵyttalatynyn aıtty. «Jalpy zań jobasy arqyly biz áıelderdiń zeınet jasyn ulǵaıtý boıynsha bıýdjet qarajatyn únemdeıik degen maqsatty kózdep otyrǵan joqpyz. Biz jınaqtaýshy zeınetaqy júıesin jetildirip, osy júıeniń qoǵam úshin nátıje berýin, árbir qazaqstandyqtyń laıyqty zeınetkerligin qamtýdy kózdep otyrmyz», dedi S. Ábdenov.