Zeınetaqyny paıdalaný: 20 myń ótinim berýshi baspanany ıpotekasyz satyp ala alady
Lázzat Ibragımova zeınetaqynyń bir bóligin paıdalaný arqyly alynatyn úıdiń baǵasy, dástúrli jolmen satyp alynǵan baspanaǵa qaraǵanda qymbatyraq bolatyny týraly aqparatqa jaýap berdi.
«Árıne, mundaıdy biz qoldamaımyz. Áleýmettik jeliler arqyly kóp aqparat tarattym. Aqylǵa shaqyrdym. Biz búginge deıin jumysty aıaqtaǵan 80 myń ótinimniń ishinde 40 paıyzynda azamattar qaryzyn japty. ıAǵnı 30 myń qaryz alýshy bereshegin jabý úshin zeınetaqynyń bir bóligin paıdalanyp úlgerdi», - dedi Lázzat Ibragımova BaigeNews.kz portalynyń YouTube-arnasyndaǵy suhbatynda.
Klıentter ıpotekalyq qaryzdarynyń 50 paıyzyn kommertsııalyq bankterde japsa, qalǵany «Otbasy banktegi» beresheginen qutylǵan.
«Bir qyzyǵy, bári de ıpotekalyq ótinim orasan zor deńgeıde kóbeıip ketedi dep oılasa kerek. Alaıda, shyntýaıtynda, 20 myń ótinimniń ıesi zeınetaqynyń bir bóligin paıdalanyp, úıdi tikeleı satyp ala alady. Bul degenińiz azamattardyń birazynda ıpotekany paıdalanbaı-aq úı alýǵa múmkindigi bolǵanyn bildiredi. Biz zeınetaqynyń shekti somadan artylǵan bóligin qolma-qol aqshasyz, satýshyǵa nemese qurylys kompanııasyna joldaımyz», - dedi ol.