Zeınetaqyny esepteıtin saıt ashyldy
ASTANA. QazAqparat - Qyrǵyz elinde zeınetaqy mólsherin eseptep beretin saıt ashyldy. Bul týraly «Nátıje» qoǵamdyq birlestiginiń dırektory Juldyz Tóralıeva málim etti.
«Halyqtyń zeınetaqy týraly saýatyn arttyrý maqsatynda pensia.kg saıty iske qosyldy. Portalda zeınetaqy mólsherin esepteıtin arnaıy esep quraly bar. Kez kelgen adam óziniń bolashaqta alatyn zeınetaqysynyń mólsherin esepteı alady», - deıdi J.Tóralıeva.
Onyń aıtýynsha, saıt qoldanýshylary zeınetaqysyn eseptep qana qoımaı, atalǵan sala mamandaryna suraqtaryn qoıyp, qajetti keńes ala alady, dep jazady kyrtag.kg.
