Zeınetaqy júıesiniń basty sory - tıimsiz menedjment - D.Nazarbaeva
ASTANA. 7 aqpan. QazAqparat - Zeınetaqy júıesiniń basty sory - tıimsiz menedjment. Bul týraly búgin QR Eńbek jáne halyqty áleýmettik qorǵaý mınıstrliginiń alqa májilisinde QR Parlamenti Májilisiniń depýtaty Darıǵa Nazarbaeva aıtty.
«Tıimsiz menedjment - júıeniń basty sory. Máselen, «Ular Úmit» qory óz salymshylarynyń qarjysyn «Shar-Óskemen» temir joly qurylysyna saldy. Aqsha jumsaldy, al joba jóndi jumys istemeıdi. Qazirgi ýaqytta temir jol ýaqytsha paıdalanýǵa berildi. Stansa beketteri salynbaǵan, jolǵa tehnıkalyq qyzmet kórsetý joq, memlekettik komıssııa júrgizilmegen», - dedi ol.
D.Nazarbaevanyń aıtýynsha, búginde jol shamamen 70 paıyzǵa jumys istep tur. ıAǵnı, jol durys josparlanbaǵan.
«Salymshylardyń aqshasy jelge ushty. Endi memleket, ıaǵnı, elimizdiń jumys isteıtin azamattary biz ben sizder atalǵan qordyń qabiletsiz menedjmenti úshin tóleıtin bolamyz. Buǵan kim jaýap berýi tıis ári mundaı keleńsizdikter qashan toqtaıdy? Bul mysal zeınetaqy júıesiniń osal tusyn kórsetedi»,- dedi halyq qalaýlysy.
