Zeınetaqy jınaqtarynan jeke tabys salyǵyn qalaı tóleý kerek

NUR-SULTAN. QazAqparat - QR QM Memlekettik kirister komıteti turǵyn úı jaǵdaıyn jaqsartýǵa, qymbat em qabyldaýǵa aqy tóleýge zeınetaqy jınaqtarynyń bir bóligin paıdalaný barysynda salyqtandyrý tártibin túsindirdi.

Bul maqsattarǵa birjolǵy zeınetaqy tólemderine salyq salýdyń jeke tártibi kózdelgen, dep habarlaıdy QazAqparat QR Qarjy mınıstrligi Memlekettik kirister komıtetiniń baspasóz qyzmetine silteme jasap.

Baspasóz qyzmetiniń málimetterine qaraǵanda, jeke tabys salyǵyn (JTS) «Biryńǵaı jınaqtaýshy zeınetaqy qory» AQ (BJZQ) jeke tulǵanyń tańdaýy boıynsha eki tásildiń birimen JTS ustap qalady:

1) BJZQ ýákiletti operatorǵa aýdarǵan kezde - bir ret;

2) BJZQ belgilegen keste boıynsha (zeınetaqy aýdarý bastalǵan kelesi aıdan bastap) 16 jyldan aspaıtyn merzim ishinde aı saıyn teń úlestermen júzege asyrylady.

Mysaldar keltireıik:

salymshynyń jeke zeınetaqy shotyndaǵy zeınetaqy jınaqtarynyń somasy =
8 500 000 teńge;

jetkiliktilik shegi = 3 500 000 teńge;

birjolǵy zeınetaqy tólemi = 5 000 000 teńge (8 500 000 -3 500 000).

JTS tóleýdiń 1-tásili

eseptelgen JTS somasy = 5 000 000 (tolyq kólemde) * 10%= 500 000 teńge;

ustap qalýǵa jáne bıýdjetke aýdarýǵa JTS somasy= 500 000 teńge;

birjolǵy zeınetaqy tólemi túrindegi kiris somasy = 4 500 000 teńge (5 000 000 – 500 000).

JTS tóleýdiń 2-tásili

eseptelgen JTS somasy = 5 000 000 (tolyq kólemde) * 10%= 500 000 teńge;

birjolǵy zeınetaqy tólemi túrindegi kiris somasy = 5 000 000 teńge.

JTS zeınetaqydan ustalatyn bolady.

«JTS ustap qalýdyń ekinshi tásilin tańdaǵan kezde (zeınetaqyny aýdarý kezinde keıinge qaldyra otyryp) keıinge qaldyrýdy alǵannan keıin bolǵan jaǵdaılar boıynsha JTS ustap qalý boıynsha jekelegen erejeler belgilengen:

- QR aýmaǵynan tys jerlerge turaqty turýǵa ketken kezde - zeınetaqy tóleminiń somasynan bir ret;

- zeınetaqy jınaqtarynyń somalaryn saqtandyrý uıymdaryna aýdarý kezinde - zeınetaqy tóleminiń somasynan bir ret;

- qaıtys bolǵan jaǵdaıda - muragerlerdiń muraǵa qaldyrǵan zeınetaqy jınaqtarymen bir mezgilde», - dep MKK-de tolyqtyrdy.