Zeınetaqy jınaqtary ınvestıtsııa retinde shaǵyn jáne orta bızneske baǵyttalýy múmkin

ASTANA. QazAqparat – QR Qarjy naryǵyn retteý jáne damytý agenttigi tóraǵasynyń orynbasary Marııa Hadjıeva zeınetaqy aktıvteri baǵyttalatyn múmkindikter keńeıilýi yqtımal ekenin aıtty. Bul turǵyda «Damý» qory kepildik beretin bolady, dep habarlaıdy QazAqparat tilshisi.

«Jaqyn arada shaǵyn jáne orta bızneske ınvestıtsııa salý boıynsha tıisti múmkindikterdiń tizbesin keńeıtý bóliginde ózgerister engizý eskerilip otyr. Bul turǵyda «Damý» qorynyń kepildigi bar qarjy tetikteri ǵana ǵana qamtylady», - dedi Marııa Hadjıeva Senatta tilshiler suraǵyna jaýap bere otyryp.

Osy oraıda ol mundaı ınvestıtsııalarda táýekelder az bolatynyn aıtty. Sebebi atalǵan qarajatty jabýǵa qatysty «Damý» qory jaǵynan qosymsha kepildik beriledi.

QR Ulttyq banki tóraǵasynyń orynbasary Álııa Moldabekova zeınetaqy aktıvteriniń bir bóligin jeke basqarýǵa berý kezinde qandaı ózgerister bolýy múmkin ekenin aıtty.

Sonymen qatar ol jeke basqarýshy kompanııalardyń ınvestıtsııalyq múmkindikterin keńeıtý múmkindigi qarastyrlyp otyrǵanyn jetkizdi.