Zeınetaqy jınaqtary 15 trln teńgege jýyqtady - BJZQ
«2023 jylǵy 1 qańtardaǵy jaǵdaı boıynsha qazaqstandyqtardyń zeınetaqy jınaqtary 14,7 trln teńgeni qurady. Aıta ketý kerek, 2022 jyly bul kórsetkish 1,6 trln teńgege (nemese 12,2%) ósti. Salystyryp qarasaq, 2021 jyly zeınetaqy jınaqtarynyń ósimi tek 1% qurady», - delingen BJZQ málimetinde.
Mindetti zeınetaqy jarnalary (MZJ) esebinen qalyptasqan zeınetaqy jınaqtary 2023 jylǵy 1 qańtardaǵy jaǵdaı boıynsha 14,2 trln teńgege jetip, bir jylda 11,9% ulǵaıdy.
Mindetti kásiptik zeınetaqy jarnalary (MKZJ) boıynsha zeınetaqy jınaqtarynyń somasy 12 aıda 23,4% ósip, shamamen 445,4 mlrd teńge boldy.
Atap aıtqanda, eń úlken ósimdi, ıaǵnı 107% astam kórsetkishti erikti zeınetaqy jarnalary (EZJ) boıynsha jınaqtar berdi. Olar 2022 jyldyń qorytyndysy boıynsha shamamen 3,6 mlrd teńgeni qurady.
«Jınaqtardyń jalpy ósimi zeınetaqy jarnalary men ınvestıtsııalyq tabys túrindegi kiris aǵyndary esebinen qamtamasyz etildi. Bul rette salymshylardyń shottaryna jarnalar túrinde bir jyl ishinde 1,7 trln teńgeden astam qarajat tústi. Bul 2021 jylmen salystyrǵanda 29 %-ǵa kóp. Ósim jarnalardyń barlyq túrleri boıynsha baıqaldy», - dep atalyp ótken habarlamada.
2022 jyly ınvestıtsııalyq kiris 914 mlrd teńgeden asty. ıAǵnı, byltyrdyń qorytyndysy boıynsha aktıvterdiń kiristiligi oń kórsetkishterdi baıqatyp otyr.
BJZQ-dan tólemder túrindegi qarajat jyl basynan beri shamamen 1,2 trln teńgeni qurady. Onyń basym bóligi turǵyn úı jaǵdaılaryn jaqsartýǵa jáne emdelýge arnalǵan birjolǵy zeınetaqy tólemderi (BJT) – 918 mlrd teńge.
2023 jylǵy 1 qańtardaǵy jaǵdaı boıynsha BJZQ-daǵy jeke zeınetaqy shottarynyń sany 12,1 mln-ǵa jetti. Mindetti zeınetaqy jarnalaryna qatysty 11 mln esepshot bar. Bıyldyń basynda MKZJ boıynsha shottar sany 595 710-dy qurady. EZJ esebi boıynsha 358 695 JZSh ashyldy.