Zeınetaqy jınaǵyn jeke kompanııalardyń basqarýyna kimder bere alady
«Qazirdiń ózinde BJZQ salymshylarynyń bir bóligi ózderiniń zeınetaqy jınaǵynyń bir bóligin Ulttyq bankten aıyrmashylyǵy bar basqarýshy kompanııalarǵa bere alady. Biraq bul múmkindik zeınetaqy jınaǵynyń jetkiliktilik shegi belgilengen lımıtten joǵary salymshylarǵa ǵana beriledi», - dedi ol brıfıngide.
Sondaı-aq, Ulttyq bank basshysynyń orynbasary zańnamaǵa túzetý engizilý múmkin ekenin aıtty.
«Qazir memlekettik organdarmen birlesip zańnamaǵa túzetýler engizý máselesin talqylap jatyrmyz. Ol túzetý búkil salymshylarǵa ózderiniń zeınetaqy jınaǵynyń 50 paıyzynan aspaıtyn mólsherin jeke basqarýshy kompanııalarǵa berýine múmkindik týǵyzar edi. Bul joba qazir qaralyp jatyr. Bıyl osyndaı múmkindik bolady dep otyrmyz», - dedi Álııa Moldabekova.
Aıta keteıik, Ulttyq banktiń aqsha-kredıt saıasaty komıteti bazalyq mólsherlemeni 16,75% deńgeıinde qaldyrý jóninde sheshim qabyldady.