Zeınetaqy jınaǵyn paıdalaný: Ótinimdi birneshe ret berýge bolmaıdy
«Keıbir azamattarǵa (shamamen 6974 adam) óz ótinimin bergen kezde – jeke zeınetaqy qory buǵan deıin oryndalmaǵan ótinimderdi eskergende qarajat jetkiliksiz degen jaýap kelgen. Bul - birinshi kúni birneshe ótinim bergen azamattar. Olar aldymen ótinimdi jiberip alyp, keıin sońyna deıin jibermedim dep oılap, taǵy bir nemese birneshe ret ótinish joldaǵan. Al ol ótinishterdiń barlyǵy joıyla bergen. Biz qazirgi ýaqytta biz bul protsesti qarap, zerttep jatyrmyz. Birinshi ret ótinim berilgennen keıin ekinshi ótinim berýge bolmaıdy. Biraq bul máseleni retteý úshin ázirleýshilerge ýaqyt kerek», - dedi Lázzat Ibragımova OKQ-da ótip jatqan baspasóz máslıhatynda.
Sondaı-aq, onyń sózine qaraǵanda qazaqstandyqtar mynadaı problemaǵa tap bolǵan. Atap aıtqanda. olardyń ótinimine «Ótinishte kórsetilgen soma alýǵa bolatyn mólsherden asyp ketti» dep kórsetilgen.
Lázzat Ibragımovanyń aıtýynsha bul ótinim berýshiler somany kórsetkende qatelesip ketken. Odan bólek ártúrli mártebesi bar 26 264 ótinim qaralýda.
«Taǵy bir azamattar «BJZQ sizdiń ótinishińizdi qaraýǵa qabyldady» degen jaýapty kórgennen keıin qaıtadan portaldaǵy jeke kabınetine kirip, nátıjesin kórgisi kelgen. Sirá, barlyq protsedýralardy sońyna deıin ótip, ótinishke qol qoıý kerek dep kútse kerek. Áleýmettik jelilerdegi reaktsııaǵa qaraǵanda, kóptegen adamdar erejelerdi muqııat zerttep, qarjy olardyń arnaıy shotynda paıda bolǵannan keıin BJZQ-daǵy salym kórsetkishi tómendegenin túsindi», - dep qosty ol.
Eske salsaq, 2021 jyly 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.
23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.