Zeınetaqy jınaǵyn paıdalaný: Ipotekasyz páter alsańyz qosymsha qujat talap etiledi
«Eger baspanany Biryńǵaı zeınetaqy jınaǵy qarajatyn qoldanyp + ózińizdiń jeke qolma-qol qarajatyńyzdy qoldanyp satyp aǵan bolsańyz enpf-otbasy.kz onlaın-platformasynda rastaý qujattaryn (PDF-formatynda) júkteý kezinde satýshy páter qunynyń bir bóligin qolma – qol aqshamen alǵany týraly QOLHAT birge júktelýi qajet», - delingen habarlamada.
Sonymen qatar, bank zeınetaqy qarajatyn maqsatty paıdalanýshylarǵa mynadaı keńester beredi:
• Eger jeke qarajat bóligi qolma – qol aqshasyz, ıaǵnı banktik shotyna aýdarylǵan bolsa, onda rastaýshy qujat retinde aýdarylym týraly túbirtek júktelýi tıis.
• Eger Satyp alý – satý sharty notarıýsta rásimdelip, páter qunynyń bir bóligi notarıýstyń kózinshe berilip jáne bul týraly satyp alý – satý shartynda notarıýs jazǵan bolsa qosymsha qolhat pen túbirtektiń qajeti joq.
Eske salsaq, 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.
23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.
