Zeınetaqy jınaǵyn paıdalaný: 150 myńǵa jýyq qazaqstandyq turǵyn úı jaǵdaıyn jaqsartty
Zeınetaqy jınaqtaryn IPB-ǵa aýdarýǵa ótinishterdiń 42% astamy Almaty qalasynyń turǵyndarynan kelip tústi. Olardyń orta eseppen 2,3 mln teńge aýdarǵysy keledi. Elorda turǵyndarynan aýdarymǵa ótinishterdiń shamamen 20% tústi jáne olar IPB-ǵa orta eseppen 2,6 mln teńgeni senip tapsyrýǵa daıyn. Berilgen ótinishterdiń sany boıynsha úshinshi orynda – Qaraǵandy oblysy (4,9%). Aýdarymnyń ortasha somasy 1,7 mln teńgeni quraıdy.
554 ótinishtiń 451-i óńdelýde, bul rette 103 ótinishti qabyldaýdan jáne (nemese) oryndaýdan bas tartyldy. Bas tartýdyń negizgi sebepteri – ótinishte kórsetilgen suraý salynǵan soma aýdarýǵa qoljetimdi zeınetaqy jınaqtarynyń somasynan asyp túsedi; ótinishte kórsetilgen suraý salynǵan soma óńdeýge qabyldanǵan ótinishterdi eskere otyryp, aýdarym úshin qoljetimdi zeınetaqy jınaqtarynyń somasynan asyp túsedi; IPB-ǵa aýdarý quqyǵynyń bolmaýy jáne t. b
Zeınetaqy jınaqtaryn aýdarý úshin salymshy BJZQ-ǵa ótinish jasaýy qajet, ony enpf.kz saıtyndaǵy jeke kabınet arqyly nemese BJZQ-nyń kez kelgen óńirlik bólimshesine ózi kelgende berýge bolady.
Qazirgi ýaqytta BJZQ zeınetaqy aktıvterin senimgerlikpen basqarýǵa qatysty tórt IPB-men shart jasasty. Olar týraly aqparatpen tanysyp, ınvestıtsııalyq deklaratsııalaryn zerdeleýdi enpf.kz saıtyndaǵy «Qyzmetter» - «Zeınetaqy jınaqtarynyń bir bóligin IPB-nyń senimgerlikpen basqarýyna aýdarý» bóliminde júzege asyrýǵa bolady.
10 naýryzdaǵy jaǵdaı boıynsha zeınetaqy jınaqtaryn emdelýge paıdalaný týraly 1798 ótinish berilgen. 1176 ótinish oryndalyp, ýákiletti operatorlarda ashylǵan salymshylardyń arnaıy shottaryna 1,2 mlrd teńgeden asa soma aýdaryldy. Qazaqstandyqtar emdelýge ortasha eseppen 1 mln teńge paıdalanady. Ótinishterdiń basym bóligi Almaty qalasy (22,6%), Nur-Sultan qalasy (18,4%) jáne Qaraǵandy oblysynyń (7,5%) turǵyndarynan kelip tústi. Ózekti statıstıkamen «Kórsetkishter» - «Emdelýge arnalǵan birjolǵy zeınetaqy tólemderi» bóliminde tanysýǵa bolady.
2021 jylǵy 10 naýryzǵa ýákiletti operatorlardan («Otbasy banki» TQJB» AQ, «Qazaqstan Halyq Banki» AQ, sondaı-aq «Bank TsentrKredıt» AQ) turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 208 853 ótinish tústi.
Jalpy somasy 740,4 mlrd teńgeden asatyn 142 237 ótinish oryndaldy. Salymshylardyń arnaıy shottaryna túsken tólemderdiń ortasha somasy 5,2 mln teńgeden asady. Zeınetaqy jınaqtaryn turǵyn úıge paıdalaný týraly óńirler bólinisi boıynsha tolyq aqparat enpf.kz saıtyndaǵy «Kórsetkishter» - «Turǵyn úı jaǵdaılaryn jaqsartýǵa jáne emdelýge arnalǵan birjolǵy zeınetaqy tólemderi» bóliminde usynylǵan. Qazaqstandyqtardyń birjolǵy zeınetaqy tólemderin qandaı maqsatta paıdalanatynyn enpf.kz saıtyndaǵy «Kórsetkishter» - «Turǵyn úı jaǵdaılaryn jaqsartýǵa arnalǵan birjolǵy zeınetaqy tólemderiniń maqsattary boıynsha» bóliminen bilýge bolady.