Zeınetaqy jınaǵy: Salymshylar quqyǵy keńeıtilmek

ASTANA. QazAqparat – Jeke basqarýǵa berilgen zeınetaqy jınaqtarynyń saqtalýyna salymshy tańdap alǵan kompanııa jaýapty bolady. Bul týraly Májilistegi Úkimet saǵatynda QR Áleýmettik kodeksiniń jobasyn tanystyrý kezinde QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Kodeks jobasyna óz aktıvterin basqarý boıynsha salymshylar quqyǵyn keńeıtýge qatysty ózgerister engiziledi. Endi belgilengen jetkiliktilik shekten joǵary zeınetaqy jınaqtaryn azamattar tek emdelýge jáne turǵyn úı satyp alýǵa jumsaıtyn bolady. Sondaı-aq salymshylar bar zeınetaqy jınaqtarynyń 50 paıyzdan aspaıtyn bóligin aktıvterdi basqarý jónindegi kompanııaǵa berýge jáne mundaı kompanııany ózderi tańdaýǵa quqyly bolady», - dedi T. Dúısenova.

Mınıstr bul rette zeınetaqy jınaqtarynyń saqtalýyna memlekettik kepildik tek Ulttyq bank basqaratyn jınaq bóligine ǵana beriletinin atap ótti.

«Al jeke basqarýǵa berilgen zeınetaqy jınaqtarynyń saqtalýyna jáne onyń tabystylyǵyna salymshy tańdap alǵan kompanııa jaýapty bolady. Sondyqtan árbir salymshy basqarý jónindegi jeke kompanııany tańdaǵan kezde yqtımal táýekelderdi eskerýge tıis», - dedi vedomstvo basshysy.