Zeınetaqy jınaǵy: Qazaqstandyqtar aqshasyn qaıda jumsap jatyr
«Qazirgi tańda qarqyndy túrde iske asyryp jatqan birjolǵy zeınetaqy tólemderin paıdalaný boıynsha kórsetkishter kelesideı: kelip túsken ótinimderdiń eń kóp úlesi, birinshi ıpotekalyq qaryzdy óteý – 35 myńnan astam ótinim; ıpotekasyz turǵyn úı satyp alý – 28 myńnan astam ótinim, týysqa jınaqtardy berý – 20 myńnan astam ótinim. 2021 jylǵy 19 aqpandaǵy jaǵdaıǵa sáıkes, zeınetaqy qorynan 564 mlrd teńge somasyna 98 myń ótinim jiberildi. 145 mlrd teńge somasyna 28 myń ótinim júzege asty. ıAǵnı, klıentter rastaıtyn qujattardy usyndy», - dedi ol
Onyń aıtýynsha, byltyr naryqta turǵyn úı satyp alý jáne satýdyń 307 884 mámilesi jasaldy.
«2021 jyldyń 19 aqpanyndaǵy jaǵdaı boıynsha zeınetaqyǵa turǵyn úı satyp alýǵa baılanysty maqsatqa 38 myń ótinim jiberildi. Halyqtyń turǵyn úı máselelerin sheshýge qoljetimdilikti arttyrý maqsatynda kelesi usynystar jasaldy jáne olar qoldaý tapty. Birinshi - salymshylardyń turǵyn úı qurylysy jınaqtaryn toltyrý úshin birjolǵy zeınetaqy tólemderin bank júıesine salý. Ekinshi – jeke qarjylandyrý kózderin paıdalaný arqyly 2-3 jyldyń ishinde jeke turǵyn úı qurylysyn ulǵaıtýǵa múmkindik beretin jer ýchaskesin alý úshin birjolǵy zeınetaqy tólemderin paıdalanýdy jeke maqsat retinde bólý», - dedi Lázzat Ibragımova.