Zeınetaqy jınaǵy: Baspanany ıpotekasyz tolyq satyp alý kezinde keıbir shekteý bolmaıdy

NUR-SULTAN. QazAqparat – Zeınetaqy tólemderine baspana satyp alǵanda satýshyǵa kepilpuldy aqsha arnaıy shotqa túskende ǵana berý kerek. Bul týraly Otbasy bankinen málim etti, dep habarlaıdy QazAqparat tilshisi.

Birjolǵy zeınetaqy tólemderin paıdalana otyryp, ıpotekasyz tolyq satyp alý maqsatyn tańdaıtyn bolsańyz, satyp alý-satý shartyn rásimdeý merzimine nazar aýdarýyńyzdy suraımyz. Satýshyǵa kepilpuldy (alǵashqy tólem/páter qunynyń bir bóligi) bir jolǵy zeınetaqy tólemderi arnaıy shotyńyzǵa túskennen keıin ǵana berýge keńes beremiz. Satyp alý-satý shartyn rásimdeý kúni notarıýsqa Arnaıy shottyńyzdyń úzindi kóshirmesin kórsetińiz. Kúni men ýaqyty kórsetilgen úzindi kóshirmeni JSSB 24 mobıldi qosymshasynan júktep alýǵa bolady», - delingen qarjy ınstıtýtynyń Instagram paraqshasynda jarııalanǵan aqparatta.

Bank málimetine sáıkes, zeınetaqy tólemderin paıdalana otyryp satyp alý-satý sharttaryn rásimdegen kezde Qazaqstan notarıýstary somanyń ekinshi bóligi BJZQ-nan arnaıy shotqa qarajat túskennen keıin ǵana satýshynyń jeke shotyna túsetinin kórsetedi.

«Osyǵan baılanysty, sizderdiń arnaıy shottaryńyzǵa aqsha túskennen keıin ǵana satýshymen mámile shartyna qol qoıýǵa usynamyz. BJZQ-nan sizdiń shotyńyzǵa qarajat túskennen keıin, baspana izdeýge, satyp alý-satý shartyn jasaýǵa jáne ony www.enpf-otbasy.kz platformasyna skanerlengen túrin salý úshin, jáne satýshynyń satyp alý-satý shartynda kórsetilgen derektemeri boıynsha qarajat aýdarýǵa 45 jumys kúni beriledi. Otbasy banki – maqsatty qoldanylýy boıynsha tapsyrylǵan qujattardy 10 jumys kúni ishinde tekserip, birjolǵy zeınetaqy tólemderin maqsaty boıynsha aýdarady. Baspanany «Ipotekasyz tolyq satyp alý» maqsatyn tańdaǵan kezde «5 jyl ıelikten shyǵarýǵa shekteý» qoldanylmaıdy. ıAǵnı bolashaqta siz satyp alynǵan turǵyn úıdi shekteýsiz basqara alasyz. Birjolǵy zeınetaqy tólemderin paıdalaný boıynsha barlyq sharalar tek qolma-qol aqshasyz júzege asyrylady», - dedi Otbasy bankinen.

Eske salsaq, 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.

Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.

23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.