«Zeınetaqy - uzaqmerzimdik ınvestıtsııalaý» baıqaýynyń qorytyndysy shyqty
ALMATY. 19 tamyz. QazAqparat /Erlik Erjanuly/ - «Respýblıka» zeınetaqy jınaqtaý qory» AQ buqaralyq aqparat quraldary ókilderi arasyndaǵy «Zeınetaqy - uzaq merzimdik ınvestıtsııalaý» baıqaýynyń qorytyndysyn jarııalady.
25-qańtar men 25-shilde aralyǵynda ótken bul sharada jeńimpazdar «Zeınetaqy jınaqtaryn ınvestıtsııalaý» taqyrybyn úzdik nasıhattaǵany úshin», «Zeınetaqylyq saýat ashý», «Salany shynaıy nasıhattaǵany úshin» degen atalymdar boıynsha anyqtaldy. Máselen, «Zeınetaqy jınaqtaryn ınvestıtsııalaý» taqyrybyn úzdik nasıhattaǵany úshin» atalymy boıynsha Shymkent qalasyndaǵy«Rabat» gazetiniń shef-redaktory Farıda Sharafýtdınova iPhone alsa, «Zeınetaqylyq saýat ashý» atalymynda Astana qalasyndaǵy "Info-Tses" gazetiniń tilshisi Ǵalııa Karmenovaǵa fotoapparat, «Salany shynaıy nasıhattaǵany úshin» degen atalymynda "Respýblıka" gazetiniń tilshisi Ashat Ahmetbekov noýtbek alatyn boldy. Onda sondaı-aq, laýret atanǵan Albına Túsipbaeva (Almaty), Natalııa Pak (Almaty), Anna Skıdanenko (Temirtaý), Irına Volkova (Pavlodar) jáne «Lıchnyı schet» jýrnaly (Astana) arnaıy syı-sııapatqa ıe bolmaq.
