Zeınetaqy reformasy: BJZQ komıssııasy tómendetildi
«2 qańtarda qabyldanǵan Zańǵa sáıkes salymshylar óz zeınetaqy jınaqtarynyń bir bóligin basqarýǵa aýdara alatyn BJZQ, Qazaqstan Ulttyq banki jáne ınvestıtsııalyq portfeldi basqarýshylar arasyndaǵy komıssııalyq syıaqy, sondaı-aq onyń shekti mólsheriniń deńgeıi tómendedi. Qabyldanǵan túzetýlerge sáıkes, BJZQ úshin tek zeınetaqy aktıvterinen komıssııa qurylady. Sonymen birge kórsetilgen komıssııalyq syıaqynyń shekti mólsheri 60%-ǵa – zeınetaqy aktıvterinen aıyna 0,025% -dan 0,01% -ǵa deıin tómendetildi», - delingen habarlamada.
Qazaqstan Ulttyq banki men ınvestıtsııalyq portfeldi basqarýshylar úshin shekti mánderdi belgileı otyryp, ınvestıtsııalyq kirister boıynsha komıssııa qarastyrylǵan. Investıtsııalyq kiris boıynsha naqty alynǵan komıssııa mólsheri qaıta qaralyp, jyl saıyn belgilenip otyrady.
Sonymen birge, Qazaqstan Ulttyq bankiniń usynysymen onyń komıssııalyq syıaqynyń shekti mólsheri ınvestıtsııalyq kiristiń 73% – 7,5%-dan 2,0% deıin tómendetildi.
Eger buryn BJZQ ınvestıtsııalyq kiristen komıssııa alǵan bolsa, onda jańa talaptarǵa sáıkes syıaqy tikeleı ınvestıtsııalyq portfeldi basqarýshyǵa túsedi. Bul salymshyǵa ınvestıtsııalyq portfeldi basqarýshynyń komıssııalyq syıaqysy baqylaýǵa múmkindik berip, ózine tıimdi sharttardy tańdaýǵa jaǵdaı jasaıdy.
Eske salsaq, 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵyn baspanaǵa jumsaýǵa arnalǵan onlaın-platforma iske qosylady. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.