Zeınetaqy men járdemaqyny taǵaıyndaý, tóleý tártibi tsıfrlandyrylady
«Joldaýda aıtylǵandaı «Tsıfrlandyrý – barlyq reformanyń negizgi elementi». Tsıfrlyq teńsizdikti joıý jáne ınternetke barynsha qol jetkizýdi qamtamasyz etý jóninde sharalar qabyldanady. Zeınetaqy men járdemaqylardy taǵaıyndaý jáne tóleý tsıfrlandyrylady. Derekter bazasynyń biryńǵaı júıesi qurylady», - dedi Ulttyq ekonomıka mınıstri Rýslan Dálenov Úkimet otyrysynda Prezıdent Joldaýyn júzege asyrý boıynsha Jalpyulttyq is-sharalar josparynyń jobasyn jarııalaı otyryp.
Mınıstr sondaı-aq azamattardyń memlekettik basqarý máselelerin sheshýge belsendi qatysýyn keńeıtý maqsatynda onlaın-petıtsııalardyń biryńǵaı zańdy ınstıtýty qurylatynyn jetkizdi.
«Aýyl ákimderin tikeleı saılaý ótkiziledi. Máslıhattar qyzmetiniń ashyqtyǵy artady. Jergilikti ózin-ózi basqarý organdarynyń mártebesi men ókilettikteri kúsheıtiledi», - dedi ol.
