Zeınetaqy qorynyń taza tabysy 6,1 paıyz boldy
«2019 jyldyń 1 aqpanyna qaraı zeınetaqy jınaqtarynyń jalpy somasy 9,4 trln teńgeni qurap, sońǵy 12 aı ishinde 1,6 trln teńgege kóbeıdi. Eske sala ketelik, byltyrǵy jyldyń 1 aqpanyna qaraı zeınetaqy jınaqtarynyń jalpy somasy 7,8 trln teńge bolǵan edi. Osy kezeń ishinde salymshylardyń shotyna úlestirilgen zeınetaqy aktıvteriniń ósimi 21 paıyzǵa jetti. Bul rette zeınetaqy aktıvteri zeınetaqy jarnalary men ınvestıtsııalyq tabystan quralatyndyǵyn eske salamyz», - delingen qordyq baspasóz qyzmeti taratqan málimette.
2019 jyldyń alǵashqy aıynda salymshylar men alýshylardyń shottaryna úlestirilgen taza ınvestıtsııalyq tabys 15,4 mlrd teńge boldy. Bul ótken jyldyń sáıkes kezeńimen salystyrǵanda 5,6 mlrd teńgege (nemese 57%-ǵa) joǵary. 12 aı ishinde zeınetaqy aktıvteriniń tabystylyǵy 11,3 paıyz bolsa, osy kezeńde ınflıatsııa deńgeıi 5,2 paıyzdy kórsetti. ıAǵnı, bir jyl ishinde zeınetaqy aktıvteri boıynsha naqty, taza tabystylyq 6,1 paıyzdy qurady.
2019 jyldyń 1 aqpanyna qaraı sharttardyń barlyq túri boıynsha jeke zeınetaqy shottarynyń (JZSh) sany 10,4 mln boldy.