Zeınetaqy qorynyń salymshylary óz qarjysynyń qaıda baǵyttalyp jatqanyn baqylaı alady
Aıta ketý kerek, QR Ulttyq banki memleket basshysynyń tapsyrmasy aıasynda zeınetaqy aktıvterin ınvestıtsııalaı bastady.
Baspasóz qyzmeti habarlaǵandaı, qarjylyq protsess jarııa ári ashyq júredi.
Salymshylar óz qarajatynyń qaıda baǵyttalyp jatqanyn baqylap, BJZQ jumysynyń tıimdiligin baǵalaı alady.
«BJZQ ár salymshyǵa óz esepshotyn qadaǵalap otyrýǵa bar jaǵdaı jasap otyr. Elimizde osy baǵytta 236 ofıs jumys jasaıdy, aqparat elektrondy poshtalar arqyly taratylady. Maǵlumatty BJZQ saıtynan, mobıldi qosymsha, elektrondy úkimet arqyly onlaın rejımde alýǵa bolady», - delingen habarlamada.
«BJZQ» AQ basty quryltaıshysy men aktsıoneri QR Úkimeti bolsa, zeınetaqy aktıvterin Ulttyq banki basqaryp, BJZQ-nyń kastodıan banki qyzmetin atqaryp otyr.
«QR Zeınetaqymen qamsyzdandyrý týraly Zańyna» sáıkes BJZQ qarjysyn baǵyttaý men tıimdiligin arttyrý QR Ulttyq qoryn basqarý keńesiniń quzyrynda. Bul quzyrly organnyń tóraǵasy QR Prezıdenti Nursultan Nazarbaev.
«Barlyq sheshimder quqyqtyq turǵydan ashyq qabyldanady. Birinshi kezekte salymshylardyń múddesi qorǵalýy tıis. Investıtsııalyq esep aı saıyn enpf.kz saıtynda jarııalanyp turady», - dedi baspasóz qyzmetinen.