Zeınetaqy qoryndaǵy aktıvter 7 % ósti

NUR-SULTAN. QazAqparat – Jyldyń 8 aıynda Birińǵaı jınaqtaýshy zeınetaqy qorynyń aktıvteri 13,9 trln teńgege jetken, dep habarlaıdy QazAqparat tilshisi.

«Bıylǵy tamyz aıynyń qorytyndysy boıynsha, teńgeni qurap, osy jyldyń basynan beri 919 mlrd teńgege nemese 7,0% ulǵaıdy. Investıtsııalyq kiris kólemi osy jyldyń basynan bastap 718,0 mlrd teńgeni, zeınetaqy jarnalary – 1 097,3 mlrd teńgeni, zeınetaqy tólemderi – 175,7 mlrd teńgeni, merziminen buryn alý somasy – 848,4 mlrd teńgeni qurady», - dedi Úkimet otyrysynda Ulttyq bank tóraǵasynyń orynbasary Aqyljan Baımaǵambetov.

Onyń sózine qaraǵanda, zeınetaqy aktıvteriniń kirisi sońǵy 12 aıda 8,6% bolǵan.

«Jınaqtaýshy zeınetaqy qorynyń turaqtylyǵy turǵysynan uzaq ýaqyt aralyǵynda kiristilik pen ınflıatsııanyń kórsetkishterin qaraǵan jón. Máselen, 5 jyl ishinde jınaqtalǵan ınflıatsııa 51,4% bolǵan kezde zeınetaqy aktıvteriniń jınaqtalǵan kirisi 56,8%-dy qurady», - dedi Ulttyq bank ókili.