Zeınetaqy qoryndaǵy aqshany qadaǵalaýdyń birneshe tásili bar – BJZQ
«Zeınetaqy jınaqtarynyń jaı-kúıi týraly aqparatty kelesi tásildermen alýǵa bolady:
elektrondyq tásilmen:
- BJZQ-ǵa usynylǵan elektrondyq poshta arqyly;
- jeke kabınet arqyly;
BJZQ keńsesine tikeleı ózi kelgende;
poshta baılanysy arqyly», - dep jazdy vedomstvo.
Bárinen de enpf.kz saıty nemese BJZQ mobıldi qosymshasyndaǵy jeke kabınet arqyly habarlaý ádisi eń kóp suranysqa ıe. Bul habarlaý tásilin 6,3 mln-nan astam JZSh ıesi paıdalanǵan, atalǵan kórsetkish 2014 jylmen salystyrǵanda 20 esege artyq.
«Zeınetaqy jınaqtarynyń ahýaly týraly aqparatty qashyqtan alýdyń taǵy bir formaty – salymshy ózi tańdaǵan kestege sáıkes (aı saıyn, toqsan saıyn, jarty jylda bir ret nemese jyl saıyn) BJZQ-ǵa usynǵan mekenjaıǵa JZSh-dan úzindi-kóshirme alý. Bıylǵy ekinshi jartyjyldyqta 800 myńǵa jýyq adam habarlaýdyń osy tásilin tańdady. Mamyr aıynan bastap zeınetaqy jarnalarynyń barlyq túri boıynsha JZSh ótinishsiz ashylýda. JZSh ashqan kezde BJZQ-nyń zeınetaqy jınaqtarynyń jaı-kúıi týraly aqparat berý tásili «BJZQ-ǵa ózi kelip ótinish jasaǵan kezde» dep avtomatty túrde belgilenedi, ony salymshy (alýshy) óz betinshe ózgertýge quqyly», - dep túsindirdi qordyń baspasóz qyzmetinen.
Ondaǵy jazbaǵa qaraǵanda, aqparat alý tásilin anyqtaý nemese ózgertý maqsatynda salymshy tıisti kelisimdi BJZQ keńsesinde nemese BJZQ saıtynda jasaýy qajet. Eskere ketetin jáıt, BJZQ saıtynda bir ǵana – «jeke kabınet arqyly» habarlaý ádisin tańdaýǵa bolady; salymshy ETsQ-ny paıdalana otyryp, zeınetaqy jınaqtarynyń jaı-kúıi týraly aqparatty BJZQ-nyń saıty men mobıldi qosymshasy jáne elektrondyq úkimet arqyly kelisim jasaspaı-aq ala alady.
«Bólimshege kelip tikeleı aqparat alý tásili áli de tanymaldyǵyn joǵaltqan joq. BJZQ keńselerinde 3,1 mıllıonnan astam salymshy jeke zeınetaqy shotynan úzindi kóshirme aldy. Dástúrli poshta baılanysy arqyly JZSh-dan úzindi kóshirmesin alýdy jón kóretin salymshylardyń (alýshylardyń) sany aıtarlyqtaı azaıǵan – shamamen 1 mln. Máselen, 2014 jyldyń maýsymynda bul kórsetkish 4 mln-ǵa jetip, qazirgiden 4 ese kóp bolatyn. Aıta keterligi, eger salymshy osyndaı habarlaý tásilin tańdasa, BJZQ mindettemelerin oryndaýǵa áser etetin barlyq ózgeristerdi, onyń ishinde turǵylyqty mekenjaıynyń ózgergeni týraly habardy kúntizbelik 10 kún ishinde qorǵa habarlaýy qajet», - dedi vedomstvodan.