Zeınetaqy qorynda 400 myńǵa jýyq «qate» esepshot tabyldy
«Qorlardy biriktirý kezinde 28 myńnan astam qosarlanǵan shottar óńdeldi. BJZQ qurylǵaly beri osyndaı esepshottardy qysqartý jumysy qor aldynda turǵan strategııalyq mindetterdiń biri bolyp tabylady. Bul shottarmen jumys toqtaǵan joq, salymshylar anyqtalýda, muragerler xabarlasýda. Biryńǵaı jınaqtaýshy zeınetaqy qorynyń ortaq bazasy qurylǵan kezde, osy másele boıynsha tolyq jaǵdaıdy baǵamdaý jeńildeı tústi. Aı saıyn 5 myńnan 50 myńǵa deıin shot óńdeledi. 01.01.2017 jaǵdaı boıynsha, zeınetaqymen qamtamasyz etý týraly kelisimshartsyz ashylǵan («qate» zeınetaqy shottary) jeke zeınetaqy shottarynyń sany 398 myńdy quraıdy», - delingen resmı jaýapta.
Qordyń málim etýinshe, mundaı shottardya «ıesiz» dep ataýǵa kelmeıdi. Bul shottardyń rekvızıtterinde qateler ketken. Bul problema jınaqtaýshy zeınetaqy júıesiniń alǵash qurylǵan jyldary oryn alǵan. Belgili bolǵanyndaı, 2003 jylǵa deıin salymshylarmen zeınetaqymen qamtamasyz etý shartynsyz mindetti zeınetaqy tólemderin qabyldaýǵa tıis bolǵan jalǵyz qor - Memlekettik jınaqtaýshy zeınetaqy qory bolǵan.