Zeınetaqy qorynan alynǵan qarajatty eshkim buǵattaı almaıdy - Lázzat Ibragımova
«Arnaýly esepshotty tek qana onlaın ashýǵa bolady. Eń durysy ony siz bizdiń portalda ótinim beretin kezde ashqanyńyz jón. Eger siz zeınetaqy jınaǵyn paıdalaný tetigine qatyspaıtyn bolsańyz, onda arnaýly esepshot ashýdyń qajeti joq. Sondyqtan asyqpańyzdar. Bir rettik zeınetaqy tólemge arnalǵan arnaýly aǵymdyq esepshot barlyq jaǵynan qorǵalǵan. Tipti bir jerden qaryz aqsha alýyńyzǵa baılanysty qandaıda bir kredıtor, úshinshi tulǵa sot sheshimimen sizdiń ekinshi deńgeıdegi banktegi kez kelgen esepshotyńyzdy buǵattasa da bul esepshotty esh buǵattaı almaıdy. Al eger osy ýaqytta siz basqa jaqqa ketip qalyp, qarajatyńyzdy paıdalana almasańyz, onda 45 kúnnen keıin ony biz qarajatty sizdiń Biryńǵaı jınaqtaýshy zeınetaqy qoryńyzdaǵy esepshotyńyzǵa qaıtaramyz», - dedi Lázzat Ibragımova.
Eske salsaq, 2 qańtarda QR Prezıdenti zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵyn baspanaǵa jumsaýǵa arnalǵan onlaın-platforma iske qosylady. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.