Zeınetaqy qorynan alynǵan qarajat paıdalanylmasa 45 kún ishinde keri qaıtarylady
NUR-SULTAN. QazAqparat – Zeınetaqy qorynan alynǵan qarajat 45 kúnniń ishinde maqsatty túrde jumsalmasa ol tolyq kólemde azamattyń BJZQ-daǵy qoryna keri qaıtarylady. Bul týraly «Otbasy banki» basqarma tóraǵasy Lázzat Ibragımova Facebook-de ótken tikeleı efır barysynda aıtty, dep habarlaıdy QazAqparat tilshisi.
«Eger zeınetaqy qorynan aýdarylǵan aqsha 45 kúnniń ishinde úı alýǵa paıdalanylmasa, onda qarajat BJZQ-ǵa qaıtarylady. ıAǵnı bul turǵyda naqty shekteý qoıylǵan. Eger aqsha alynǵannan keıin 45 kúnniń ishinde qoldanylmasa, aqshanyń naqty maqsatty baǵytqa paıdalanylǵanyn rastaıtyn qujatty kórmesek, onda ol qarajat BJZQ-daǵy óz jınaǵyńyzǵa tolyq kólemde qaıtarylady», - dedi Lázzat Ibragımova.
Eske salsaq, 2 qańtarda QR Prezıdenti zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵyn baspanaǵa jumsaýǵa arnalǵan onlaın-platforma iske qosylady. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.
