Zeınetaqy qorlarynyń jınaqtaǵan kiristiligi jınaqtalǵan ınflıatsııa deńgeıinen 1,5 esege artyq - UB tóraǵasy
ASTANA. 21 maýsym. QazAqparat -Ótken 14 jyl ishinde elimizdegi zeınetaqy qorlarynyń jınaqtaǵan kiristiligi jınaqtalǵan ınflıatsııa deńgeıinen 1,5 esege artyq kórsetkishke ıe boldy.
Búgin Senattyń jalpy otyrysynda depýtattar suraqtaryna jaýap bergen Ulttyq bank tóraǵasy Grıgorıı Marchenko osylaı málim etti.
«Kez kelgen zeınetaqy júıesiniń tıimdiligine tek qana sol júıe jumysynyń 30-40 jylynda ǵana baǵa berýge bolady. Óıtkeni, dál osyndaı ýaqyt aralyǵynda bir urpaq eńbek naryǵynda bolyp, zeınetke de shyǵady. Bizdiń júıemizdiń jumys ýaqyty 14 jyl ǵana. Al osy 14 jyldaǵy zeınetaqy júıesiniń jınaqtalǵan ortasha kiristiligi 348,2 paıyzdy quraıdy. Al dál osy kezeńde jınaqtalǵan ınflıatsııa 211,9 paıyzǵa teń. ıAǵnı, zeınetaqy qorlarynyń jınaqtaǵan kiristiligi jınaqtalǵan ınflıatsııa deńgeıinen 1,5 esege artyq», - deıdi G. Marchenko.
Onyń aıtýynsha, zeınetaqy qorlarynyń ortasha alǵandaǵy jyldyq kiristiligi 12 paıyzdy quraıdy, al ınflıatsııanyń ortasha jyldyq kórsetkishi 8,7 paıyzǵa teń.
