Zeınetaqy qorlarynda úsh jol bar: basqarýshy kompanııa, erikti jınaqtaýlardan quralǵan JZQ jáne ózin-ózi taratý - G.Marchenko
ASTANA. 7 aqpan. QazAqparat - «Zeınetaqy qorlary basqarýshy kompanııa retinde qaıta quryla alady, nemese tek erikti jınaqtaýlarmen jumys isteıtin zeınetaqy qorlary bolyp qaıta quryla alady,
nemese erikti túrde ózin-ózi tarqatyp naryqtan kete alady», - dep atap ótti sársenbi kúni jýrnalıstermen ótken brıfıngte Ulttyq bank tóraǵasy Grıgorıı Marchenko.
Bul rette ol erikti zeınetaqy jınaqtaý júıesin damytý úshin zańnamadaǵy normany qaıta qalpyna keltirý kerektigin atap ótti.
Erikti túrde ózin-ózi taratatyn zeınetaqy qorlaryna keletin bolsaq, Ulttyq bank basshysy: «Zeınetaqy qorlary qurylǵan kezde olar óz kapıtaldaryn aktıvke saldy, endi olar aktıvterdi satyp, sáıkesinshe, óz aqshalaryn qaıtara alady. Osylaısha, erikti túrde óz-ózderin tarqatyp, naryqtan ketedi. Biraq bul ózderiniń erki», - dep atap ótti.
