Zeınetaqy annýıtetiniń quny qansha

NUR-SULTAN. QazAqparat – QR Qarjy naryǵyn retteý jáne damytý agenttigi Saqtandyrý naryǵy jáne aktýarlyq esep aıyrysýlar departamenti Saqtandyrý naryǵyn damytý basqarmasynyń basshysy Saǵı Ájibek zeınetaqy annýıtetine qatysty zańnamaǵa qandaı ózgeris engizilgenin aıtyp berdi, dep habarlaıdy QazAqparat tilshisi.

«Osy jyldyń 2 qańtarynda Memleket basshysy qol qoıǵan «Ekonomıkalyq ósimdi qalpyna keltirý týraly» zań arqyly zeınetaqy annýıteti sııaqty saqtandyrý ónimimen qamtamasyz etý erejelerine mańyzdy túzetýler engizildi. Bul túzetýler zeınetaqy annýıtetiniń azamattarǵa qoljetimdigin ári tartymdylyǵyn arttyrýǵa áser etti», - dedi S. Ájibek Ortalyq kommýnıkatsııalar qyzmetinde ótken brıfıngte.

Negizgi ózgertýler boıynsha, buryn zeınetaqy annýıteti boıynsha eń tómengi tólem mólsheri mınımaldy zeınetaqydan tómen bolmaýy kerek edi. Al qazir tólem mólsheri eń tómengi kúnkóris deńgeıiniń 70% paıyzynan kem bolmaýy kerek. Bul shara arqyly annýıtettiń qunyn shamamen 40% paıyzǵa tómendegen.

Ekinshiden tólemderi keıinge qaldyrylǵan zeınetaqy annýıteti engizildi. Bul saqtandyrý ónimi boıynsha azamattar 45 jastan bastap zeınetaqy annýıteti shartyn jasaı alady, al tólemderdi er adamdar 55 jastan bastap, áıelder – 52 jastan bastap ala bastaıdy.

«Bıyldan bastap zeınetaqy annýıtetiniń quny aıtarlyqtaı tómendedi. 2020 jyly 55 jasqa tolǵan er adamdar úshin zeınetaqy annýıteti shartyn jasaý úshin jetkilikti soma shamamen 11 mıllıon teńge bolsa, bıyldan bastap bul kórsetkish 6,7 mıllıon teńgege deıin tómendegen. Al 52 jastaǵy áıelder úshin jetkilikti soma shamamen 15 mln teńgeden 9,0 mln teńgege tómendegen. Tólemderi 55 jastan bastalatyn keıinge qaldyrylǵan zeınetaqy annýıtetin 45 jastan alý úshin er adamda keminde – 6,1 mıllıon teńge, al áıelde – 7,7 mıllıon teńge bolýy kerek. Osylaısha, zeınetaqy annýıteti zeınetaqy qorynyń salymshysyna jas jáne eńbekke qabiletti kezinde zeınetaqy tólemderiniń balamaly kózin qurýǵa jáne zeınetke shyqqanda ózin turaqty tólemdermen qamtamasyz etýge múmkindik beredi», - deıdi spıker.

Aıta keteıik, Ómirdi saqtandyrý kompanııasy zeınetaqy annýıteti tólemderin saqtanýshyǵa ómir boıy aı saıyn tóleıdi jáne jyl saıyn tólemderdi 5% paıyzdan kem emes kórsetkishke kóterip otyrady. Sonymen birge, zeınetaqy annýıteti shartynda kepildendirilgen tólem merzimin ornatýǵa bolady, bul optsııa saqtanýshy qaıtys bolǵan jaǵdaıda zeınetaqy annýıteti tólemderin muragerlerge berý múmkindigin qamtamasyz etedi.

https://www.kazinform.kz/kz/zeynetaky-annuiteti-sharty-kanday-artykshylyktar-beredi_a3757058