Zeınetaqy aktıvteriniń tabystylyǵy 6,31%-ǵa artty - QR Ulttyq banki
Bul týraly QR Ulttyq bankiniń jyldyq esebinde jarııalandy.
2014 jyly zeınetaqy aktıvteriniń tabystylyǵy 6,31%-dy qurady. 2013 jyly bul kórsetkish 2,2% bolatyn. Osylaısha, BJZQ jyldyq tabystylyǵy jekemenshik zeınetaqy qorlarynyń sońǵy 4 jyl boıǵy ortasha jyldyq tabystylyǵynan asyp tústi.
«Bul qarjylyq retteýshiniń saýatty ınvestıtsııalyq saıasatynyń nátıjesi. Aıtalyq, memlekettik qundy qaǵazdarǵa salynǵan ınvestıtsııa tabystyń 8,03%-yn kórsetti. Al EDB qarjylyq ınstrýmentterine salynǵan ınvestıtsııa birinshi naryqta 9,03% kóleminde tabys ákeldi. Qorlardyń biriktirilýi aıaqtalǵan tusta bul kórsetkish 7,78% bolatyn. Sheteldik valıýtada qarjylyq quraldarǵa salynǵan ınvestıtsııa 6,77% tabys ákeldi», - delingen habarlamada.
Jalpy alǵanda, jańa ınvestıtsııalardyń ortasha deńgeıli tabystylyǵy 8,33% qurady. Bul boljanǵan ınflıatsııa dáliziniń joǵarǵy deńgeıinen artyq bolyp otyr.