Zeınetaqy jınaǵynyń eń tómen jetkilikti shegi qaıta qaralady
ASTANA.KAZINFORM — Mindetti zeınetaqy jarnalary esebinen jınalǵan zeınetaqy tólemderin júzege asyrý tártibine jáne zeınetaqy jınaǵynyń eń tómen jetkilikti shegin aıqyndaý ádistemesine ózgerister men tolyqtyrýlar engizilmek.
QR Úkimeti qaýlysynyń jobasy zeınetaqy jınaǵynyń eń tómen jetkilikti shegin belgileý mehanızmin jetildirýdi maqsat etedi. Sondaı-aq zeınetaqymen qamsyzdandyrý naryqqa saı bolmaq.
— «Biryńǵaı jınaqtaýshy zeınetaqy qorynan mindetti zeınetaqy jarnalary, mindetti kásiptik zeınetaqy jarnalary esebinen qalyptastyrylǵan zeınetaqy tólemderin, turǵyn úı jaǵdaılaryn jaqsartý jáne (nemese) emdelýge aqy tóleý maqsatynda mindetti zeınetaqy jarnalary esebinen qalyptastyrylǵan birjolǵy zeınetaqy tólemderin júzege asyrý, olardy biryńǵaı jınaqtaýshy zeınetaqy qoryna qaıtarý qaǵıdalaryn, zeınetaqy tólemderiniń mólsherin esepteýdi júzege asyrý ádistemesin, alýshynyń ortasha aılyq kirisin zeınetaqy tólemderimen almastyrý koeffıtsıentin aıqyndaý ádistemesin, zeınetaqy jınaqtarynyń eń tómen jetkilikti shegin aıqyndaý ádistemesin bekitý týraly» QR Úkimetiniń qaýlysyna «ózgerister men tolyqtyrýlar engizý týraly» QR Úkimetiniń qaýlysynyń jobasy zeınetaqy jınaqtarynyń eń tómen jetkiliktilik shegin aıqyndaý jáne jınaqtaýshy zeınetaqy júıesinen zeınetaqymen qamsyzdandyrýdyń barabarlyǵyn arttyrý tetigin jetildirý maqsatynda ázirlendi, — delingen qujatta.
Demek, zeınetaqy jınaǵynyń eń tómen jetkilikti shegi qaıta qaralady. Sonyń arqasynda azamattardyń zeınetaqy jınaǵy tıimdi túrde qalyptasady ári ony merziminen buryn jumsaǵanda, teńgerim saqtalady.
Qaýly jobasy «Ashyq NQA» portalynda jarııalanyp, 21 sáýirge deıin talqylaýǵa usynyldy.
Aıta keteıik buǵan deıin depýtat eńbek ótili negizindegi zeınetaqy úlgisine kóshýdi usynǵanyn jazǵanbyz.
