Zeınetaqy jınaǵynyń bir bóligin merziminen buryn paıdalaný toqtatyla ma

ASTANA. KAZINFORM — «Biryńǵaı jınaqtaýshy zeınetaqy qory» aktsıonerlik qoǵamynyń basqarýshy dırektory Murat Sháripov zeınetaqy jınaǵynyń bir bóligin merziminen buryn paıdalaný tetigin toqtaý týraly usynystarǵa jaýap berdi.

— Bul baǵyt — zańmen belgilingen, ruqsat berilgen baǵyt. Sondyqtan qazir ony toqtatý nemese qaıta qaraý máselesi kún tártibinde joq. Ár azamat ózi sheshim qabyldaıdy. Búgingi tańda ony azamattar túsinip kele jatyr. Eldiń bári qoldanyp qoıǵan joq. Qoldanbaǵan da azamattar bar. Ol kisiler — bolashaq zeınetaqysyn josparlap otyrǵan azamattarymyz. Eger de qoldanǵan azamattar qosymsha tólemderin ulǵaıtyp, bolashaq zeınetaqylaryn josparlap jatyr. Tómengi shekti ózgertý máselesi de qarastyrylyp jatqan joq, — dedi ol Ulttyq bankte ótip jatqan baspasóz máslıhatynda. 

Al Ulttyq banktiń Monetarlyq operatsııalar departamentiniń dırektory Nurjan Tursynhanov búginge deıin merziminen buryn alynǵan BJZQ aqshasynyń kólemin atady.

— BJZQ salymshylary 4,6 trln teńgeni merziminen buryn aldy. Onyń 84 paıyzy baspana máselesin jaqsartýǵa paıdalanylǵan, — dedi ol.

Buǵan deıin BJZQ-daǵy shekti mólsherden artyq qarajatyn alǵan azamattar salyqtan bosatylatyny aıtylǵan edi.