Zeınetaqy jınaǵyn ıpotekanyń negizgi qaryzyn jabýǵa paıdalanýǵa bolady — mınıstrlik
ASTANA. KAZINFORM — Ekinshi deńgeıdegi bankter zeınetaqy jınaqtaryn qaryzdy paıdalanǵany úshin syıaqyny óteýge, ishinara merziminen buryn óteý retinde emes, atap aıtqanda negizgi boryshty óteýge paıdalanady. Bul týraly Ónerkásip jáne qurylys mınıstrliginiń baspasóz qyzmeti habarlady.
Qazaqstan Respýblıkasynyń zańnamasyna sáıkes turǵyn úı jaǵdaıyn jaqsartý úshin birjolǵy zeınetaqy tólemderin paıdalaný týraly qoldanystaǵy Qaǵıdalarǵa ózgerister engiziledi
Ónerkásip jáne qurylys mınıstrligi № 24 «Qazaqstan Respýblıkasynyń zańnamasyna sáıkes turǵyn úı jaǵdaıyn jaqsartý úshin birjolǵy zeınetaqy tólemderin paıdalaný qaǵıdalaryn bekitý týraly» Qazaqstan Respýblıkasy Indýstrııa jáne ınfraqurylymdyq damý mınıstriniń 2021 jylǵy 21 qańtardaǵy buıryǵyna ózgerister engizý týraly» buıryq jobasyn jarııalaıdy.
— QR jańa Salyq kodeksiniń redaktsııasyna sáıkes keltirý maqsatynda, BJZQ-dan zeınetaqy tólemderi túrindegi kiristen jeke tabys salyǵyn ustaýdan bosatýdy kózdeıti.
Ekinshi deńgeıdegi bankter zeınetaqy jınaqtaryn qaryzdy paıdalanǵany úshin syıaqyny óteýge, ishinara merziminen buryn óteý retinde emes, atap aıtqanda negizgi boryshty óteýge paıdalanady.
Osylaısha, bankter aldyndaǵy boryshtyq júktemeni azaıtý úshin negizgi qaryzdy óteý ne aı saıynǵy tólemdi azaıtý ne ıpotekalyq turǵyn úı qaryzy boıynsha kredıt merzimin qysqartý usynylady, — delingen mınıstrlik habarlamasynda.
Buıryqtyń jobasy 2025 jylǵy 6 qarashada «e-gov» ashyq normatıvtik quqyqtyq aktilerdiń ınternet-portalynda ornalastyryldy.
Aıta ketelik zeınetaqy jınaǵyn ıpoteka merzimin qysqartý úshin paıdalanýǵa ruqsat berilýi múmkin.