Zeınetaqy jınaǵyn erte sheship alý toqtatylýy múmkin be

ASTANA. KAZINFORM – Zeınetaqy salasyn jetildirý máselesine qatysty usynystardy sarapshylar toby pysyqtap jatyr. Bul týraly Eńbek jáne halyqty áleýmettik qorǵaý mınıstri Svetlana Jaqypova málim etti. 

Búgin Parlament Májilisinde tilshiler mınıstrden BJZQ-dan alynǵan zeınetaqy qarajatyna qatysty saýal qoıdy. «Biryńǵaı jınaqtaýshy zeınetaqy qoryndaǵy shekti mólsherden artyq qarajatty sheship alýǵa tyıym salynýy múmkin be? Álde, shekti mólsherdiń deńgeıi edáýir óse me?», — dep surady tilshiler.

Óz kezeginde Svetlana Jaqypova bıylǵy Joldaýda Memleket basshysy Úkimet Ulttyq bankpen, sondaı-aq Strategııalyq josparlaý jáne reformalar agenttigimen birlese otyryp zeınetaqy júıesiniń qarjylyq turaqtylyǵyn nyǵaıtýǵa qatysty tapsyrma bergenin eske saldy.

— Osy oraıda mınıstrlik alańynda sarapshylar toby quryldy. Onyń quramynda Ulttyq bank pen agenttik tóraǵalarynyń orynbasarlary, elimizdegi bilikti sarapshylar endi. Talqylaý barysynda tıisti qadamdardy pysyqtaımyz. Sondyqtan qazir BJZQ-dan jınaqty erte sheship alý taqyrybyna, sondaı-aq tujyrymdamalyq derekterge qatysty aıtý erte. Sebebi, osynyń bári sarapshalar tobynda qaralady, — dedi mınıstr.

Eske salsaq, byltyr elimizde zeınetaqy jınaǵyn erte sheship alý toqtatylýy múmkindigi týraly aıtylǵan edi.