Zeınetaqy jınaǵyn BJZQ-ǵa qaıtarýdyń qajeti joq — Otbasy banki depozıttegi zeınetaqy jınaqtary týraly
ASTANA. KAZINFORM — Qazaqstandyqtarǵa BJZQ-dan alynǵan zeınetaqy jınaqtarynyń «artyq» bóligin Otbasy bankindegi depozıtte qaldyrýǵa ruqsat berildi.
Zeınetaqy jınaqtaryn paıdalaný merzimine qoıylatyn talaptyń alynyp tastalǵany týraly Otbasy banki habarlady.
— Kópshiligińiz qandaı da bir sebeppen turǵyn úı satyp alýǵa úlgermeseńizder, bul qarajatty BJZQ-ǵa qaıtarýdyń qajeti joq, — dep habarlady bank baspasóz qyzmeti.
Ol úshin zańnamaǵa ózgerister engizildi. Eger salymshy zeınetaqy jınaqtaryn alty jyl ishinde paıdalanyp úlgermese, bul qarajat depozıtte qala beredi jáne qolaıly ýaqytqa deıin saqtalady.
— Alty jyl ótkendikten ǵana jınaqtaryńyz avtomatty túrde BJZQ-ǵa qaıtarylady dep alańdaýdyń qajeti joq. Sonymen qatar Otbasy banki ıpotekany rásimdeýdi keıinge qaldyrmaı, múmkindiginshe bul qarajatty turǵyn úı alýǵa arnalǵan bastapqy jarna retinde paıdalanýǵa keńes beredi, — dep tolyqtyrdy bank.
Aıta ketelik baspana kezeginde turǵandar qandaı jeńildikterdi paıdalana alatyny týraly jazǵan edik.
