Zeınetaqy tólemderinen kimder tabys salyǵyn tólemeıdi
ASTANA.KAZINFORM – Biryńǵaı jınaqtaýshy zeınetaqy qorynan (BJZQ) tólenetin zeınetaqy men birjolǵy tólemderden jeke tabys salyǵy naqty kimderden alynbaıtyny týraly «BJZQ» AQ departamentiniń basqarma bastyǵy Gúlnur Aǵaıdarova Jibek Joly telearnasynyń «Búgin LIVE» baǵdarlamasynda málimdedi.
– Bul ózgerister Qazaqstan Respýblıkasynyń rezıdenti bolyp tabylatyn jeke tulǵalarǵa qatysty. Rezıdent bolyp tabylatyn azamattar – Qazaqstan aýmaǵynda turaqty turatyn, sondaı-aq ómirlik múddeleri Qazaqstan aýmaǵynda ornalasqan (mysaly, týysqandary Qazaqstanda turatyn nemese menshik quqyǵyndaǵy jyljymaıtyn múlki bar) tulǵalar. Mundaı azamattardyń zeınetaqy tólemderinen jeke tabys salyǵy ustalmaıdy, – dedi Gúlnur Aǵaıdarova.
Al beırezıdent bolyp tabylatyn tulǵalardyń zeınetaqy tólemderine mindetti túrde 10 paıyz mólsherinde jeke tabys salyǵy ustalady.
Aıta keteıik, 2025 jylǵy 18 shildede memleket basshysy jańa Salyq kodeksine qol qoıǵan bolatyn.