Zeınetaqy qorynyń 1,5 trln teńgesi qandaı jobalarǵa jumsalady
ASTANA. KAZINFORM – Jańadan taǵaıyndalǵan Ulttyq ekonomıka mınıstri Nurlan Baıbazarov zeınetaqy qorynyń qansha qarajaty qandaı ekonomıkalyq jobalarǵa jumsalatynyn aıtyp berdi.
Búgin Prezıdent Qasym-Jomart Toqaev ekonomıkalyq aınalymǵa túsetin zeınetaqy aktıvterin tek qana naryq talaptaryna saı qoldaný keregin aıtqan edi.
«Zeınetaqy qoryndaǵy qarajat qandaı ekonomıkalyq jobalarǵa jumsalady? Oǵan qandaı kepildik beriledi? Qazaqstandyqtar zeınetaqysyz qalyp qoımaı ma?», - dep suraq qoıdy tilshiler Úkimette ótken brıfıngte.
«Qazir Ulttyq bank osy qordyń basqarýshysy retinde sol qordyń ınvestıtsııalyq baǵyttaryn aıqyndaıdy. ıAǵnı, qandaı quraldardy ınvestıtsııalaý keregine, odan túsetin tabysqa, tabys turaqtylyǵy nemese salymdardyń saqtalýyna basymdyq beriledi. Biz Úkimet deńgeıinde osy belgilengen ınvestıtsııalardy qaı salaǵa jiberý keregine jaýaptymyz. ıAǵnı qazirgi ýaqytta eki úlken ulttyq holdıng bar – «Báıterek» jáne «Samuryq qazyna», solardyń ınvestıtsııalyq jobalaryn qarastyryp jatyrmyz. ıAǵnı ol eki holdıng Ulttyq bank úshin kredıttik senimdiligi jaǵynan joǵary qaryz alýshy bolyp sanalady. Sondyqtan onda salynǵan aqshalar kepildi túrde naryqtyq tabyspen qaıtarylyp otyrady», - dep túsindirdi mınıstr.
Onyń aıtýynsha, qazirgi ýaqytta zeınetaqy qorynan 1-1,5 trln teńge alý josparlanyp otyr.
«Memleket basshysy aıtqandaı, bul qarajatty ekonomıkany damytýǵa, ekonomıkanyń ınfraqurylymyn damytýǵa, óńdeýshi ónerkásipterdi damytýǵa jumsaımyz degen josparymyz bar», - dedi N. Baıbazarov.
Sonymen birge, bul suraqqa Premer-Mınıstrdiń orynbasary Tamara Dúısenova da jaýap berdi.
«Jalpy elimizdiń Áleýmettik kodeksinde zeınetaqy jınaqtary memleket tarapynan kepildendirilýi kerek degen norma bar. Sondyqtan memleket barlyq ýaqytta qarajatty kepildendirip otyrady. Prezıdent te búgin qor qarajatyn tıimdi paıdalanýdy, beriletin qarajat kepildendiriletinin, tipti qajet bolsa sýbsıdııalaýdy da aıtty. ıAǵnı árbir azamattyń Biryńǵaı jınaqtaýshy qorǵa aýdarǵan, ınvestıtsııaǵa jibergen qarjysy tolyq túrde kepildendirilýi kerek», - dedi T. Dúısenova.
