Zeınetaqy jınaǵyn alý: 2024 jyly eń tómengi jetkiliktilik shegi qandaı bolady
Biryńǵaı jınaqtaýshy zeınetaqy qory 2024 jylǵa arnalǵan zeınetaqy jınaǵynyń eń tómengi jetkiliktilik shegin jarııalady, dep habarlaıdy Kazinform.
Eń tómengi jetkiliktilik sheginiń mólsheri burynǵy deńgeıde qaldy. Onyń kólemin myna siltemeden kóre alasyz.
Esterińizge sala keteıik, TJSh – aı saıynǵy zeınetaqynyń mólsherin eń tómengi zeınetaqy mólsherinen kem emes deńgeıde qamtamasyz etýge qajetti zeınetaqy jınaǵynyń eń tómengi mólsheri.
Bul áleýmettik-ekonomıkalyq kórsetkishterge, sondaı-aq bolashaq zeınetaqy jarnalarynyń boljamdy esepteýlerine (eń tómengi jalaqy mólsherinen) jáne ınvestıtsııalyq tabystylyqqa súıene otyryp anyqtalatyn zeınetaqy jınaqtarynyń baǵalaý somasy. Basqasha aıtqanda, eń tómengi jetkiliktilik shegi – bul salymshynyń zeınet jasyna jetkende eń tómengi zeınetaqy mólsherinen kem emes zeınetaqy tólemderin (eń tómengi bazalyq zeınetaqy tólemin eskere otyryp) alýy úshin shotta qalýǵa tıis eń tómengi kórsetkish.
TJSh esepteý zeınetaqy jınaǵynyń eń tómengi jetkiliktilik shegin aıqyndaý ádistemesine sáıkes júrgiziledi.
Ádistemege sáıkes, esepteý kezinde 2024 jylǵa arnalǵan áleýmettik-ekonomıkalyq kórsetkishter paıdalanyldy:
1) eń tómengi jalaqy mólsheri - 85 000 teńge;
2) memlekettik bazalyq zeınetaqy tóleminiń eń tómengi mólsheri - 28 215 teńge;
3) zeınetaqynyń eń tómengi mólsheri-57 853 teńge;
4) bazalyq áleýmettik tólemderdiń mólsherin esepteý úshin eń tómengi kúnkóris deńgeıiniń
shamasy – 43 407 teńge.
Eń tómengi jetkiliktilik sheginiń mólsherin burynǵy deńgeıde saqtaý (2023 jylmen salystyrǵanda ósirmeı, ózgerissiz qaldyrý) ishinara kiristiń boljamdy jyldyq paıyzdyq mólsherlemesiniń joǵarylaýyna da baılanysty.
Osylaısha bekitilgen áleýmettik-ekonomıkalyq kórsetkishter men boljamdy esepteýlerdi eskere otyryp, 2024 jylǵa arnalǵan eń tómengi jetkiliktilik sheginiń mólsheri aǵymdaǵy deńgeıde saqtalady.
