Zeınetaqy annýıteti qarajatyn burynǵydaı bólip emes, tolyq alýǵa múmkindik berildi
ASTANA.KAZINFORM — Zeınetaqy annýıteti boıynsha shotta aqsha qalsa, muragerler ony burynǵydaı aı saıyn bólip alýdy jalǵastyra beredi nemese qalǵan barlyq somany bir-aq kúnde, birden tolyq alyp kete alady. Bul týraly depýtat Ashat Aımaǵambetov aıtty.
Bul týraly depýtat áleýmettik jelidegi paraqshasynda jazdy.
Onyń aıtýynsha, tıisti túzetýdi depýtattar usynǵan jáne ol Memleket basshysy qol qoıǵan zańdardyń qataryna engen. Endi bul norma resmı túrde kúshine enedi.
Aımaǵambetov buryn zeınetaqy annýıtetin alyp otyrǵan adam qaıtys bolǵan jaǵdaıda onyń jınaqtalǵan qarajaty tolyqtaı otbasyǵa berilmegenin túsindirdi. Muragerler bul qarajatty tek aı saıyn, az mólshermen jáne uzaq jyl boıy alyp kelgen. Barlyq somany birden alý zań boıynsha múmkin bolmaǵan.
— Keshe Memleket basshysy qol qoıǵan zańnyń ishinde biz usynǵan mańyzdy túzetý bar. Ol resmı túrde kúshine enedi. Buryn zeınetaqy annýıtetin alyp júrgen adam qaıtys bolsa, onyń jınaǵan aqshasy artynda qalǵan otbasyna tolyq berilmeıtin. Muragerleri ol aqshany tek aı saıyn, tıyn-tebendep, jyldarǵa sozylyp qana ala alatyn. Qalǵan búkil aqshasyn, birden alý zań júzinde múmkin emes edi, — dep jazdy Aımaǵambetov.
Endi otbasylarǵa tańdaý berildi. Eger zeınetaqy annýıteti shotynda qarajat qalsa, muragerler ony burynǵydaı aı saıynǵy tólem túrinde alýdy jalǵastyra alady nemese qalǵan somany birden tolyqtaı alyp kete alady.
— Endi biz bul erejeni ózgerttik. Otbasylarǵa tańdaý berdik. Eger zeınetaqy annýıteti boıynsha shotta aqsha qalsa, muragerler ony burynǵydaı aı saıyn bólip alýdy jalǵastyra beredi nemese qalǵan barlyq somany bir-aq kúnde, birden tolyq alyp kete alady. Burynǵydaı tek bir ǵana qatal shekteý joq, tańdaý — otbasynyń óz qolynda. Biz zeınetaqy annýıteti júıesin adamdarǵa yńǵaılyári ıkemdi ettik, — dep jazdy depýtat.
Aıta ketelik elde 2,5 mıllıonnan astam qazaqstandyq zeınetaqy tólemderin alady.
