Kvazımemlekettik sektor tarapynan tikeleı kredıtteýdi shekteý engizilmek
ASTANA. KAZINFORM – Zeınetaqy aktıvterin bankterdiń oblıgatsııalaryna ınvestıtsııalaý tetigin engizý máselesi talqylandy. Bul týraly Ulttyq bankten málim etti.
«Ekonomıkanyń ornyqty ósýi úshin negizgi faktorlardyń biri retinde onyń kredıtteýdiń mańyzdylyǵyn túsine otyryp, Ulttyq bank Qarjy naryǵyn retteý jáne damytý agenttigimen (QNRDA) jáne qarjy naryǵymen birlesip, bankterdiń ekonomıkany, onyń ishinde shaǵyn jáne orta bıznes sýbektilerin kredıtteýdi yntalandyrý boıynsha belsendi jumys júrgizýde», - dep atap ótti Ulttyq bankten redaktsııanyń resmı saýalyna bergen jaýabynda.
Vedomstvonyń atap ótýinshe, ekonomıkanyń naqty sektoryna kredıt berýdi keńeıtý aıasynda óńdeý ónerkásibi men agroónerkásiptik keshendegi jobalardy sındıkattalǵan kredıtteýdi jáne qosa qarjylandyrýdy damytý, astyq qolhattary, jer jáne jer qoınaýyn paıdalaný quqyqtary túrindegi kepil mehanızmniń tıimdiligin arttyrý jónindegi sharalar iske asyrylyp jatyr.
Sonymen qatar, bankter men kredıttik bıýrolardyń memlekettik derekqorlarmen ıntegratsııasy júzege asyrylýda. Bul qyzmetterdi tsıfrlandyrýǵa, bankterdiń shyǵyndaryn tómendetýge, qaryz alýshylardyń kredıttik táýekelin baǵalaý sapasyn arttyrýǵa jáne nátıjesinde kredıttik ónimderdiń qoljetimdiligin arttyrýǵa ákeledi.
«Ulttyq banktiń, Qarjy naryǵyn retteý jáne damytý agenttiginiń ekonomıkanyń naqty sektoryn kredıtteýdiń problemalyq máseleleri boıynsha ekinshi deńgeıdegi banktermen kezdesýleri barysynda prýdentsıaldyq yntalandyrý, sındıkattalǵan kredıtteýdi jandandyrý, kvazımemlekettik sektor tarapynan tikeleı kredıtteýdi shekteý, zeınetaqy aktıvterin bankterdiń oblıgatsııalaryna ınvestıtsııalaý tetigin engizý bóliginde usynystar talqylandy», - dedi Ulttyq bankten.
