Zeınet jasyndaǵy qyzmetkermen jyl saıyn eńbek shartyn uzartyp otyrý quqyǵy beriledi

ASTANA. QazAqparat - Zeınet jasyndaǵy qyzmetkermen jyl saıyn eńbek shartyn uzartyp otyrý quqyǵy beriledi. Bul týraly búgin Astanada jańa Eńbek kodeksin túsindirýge baılanysty ótken baspasóz máslıhatynda QR Densaýlyq saqtaý jáne áleýmettik damý vıtse-mınıstri Birjan Nurymbetov málim etti.

«Bizde qazirgi kezde qoldanystaǵy Eńbek kodeksi boıynsha qyzmetker zeınet jasyna jetkende onymen eńbek shartyn buzýǵa bolady, biraq bul norma tek memlekettik jáne azamattyq qyzmetkerlerge tarap otyr. Jańa Eńbek kodeksi boıynsha osyndaı tártipti jeke sektorǵa da taratýdy usynyp otyrmyz. Adam zeınet jasyna jetkende ony jumystan shyǵarý mindetti emes. Bul turǵyda jumys berýshige qyzmetkerdiń biliktiligi men qajettiligin, densaýlyq jaǵdaıyn eskere otyryp, jyl saıyn zeınet jasyndaǵy qyzmetkerlermen jyl saıyn eńbek shartyn sozyp otyrý quqyǵy beriledi», - dedi mınıstrdiń orynbasary.