Zeınet jasyndaǵy 7 myń máskeýlik medıtsına qyzmetkeri jumystan bosatylýy múmkin
ASTANA. QazAqparat - Máskeýdiń densaýlyq saqtaý departamentiniń jetekshisi Alekseı Hrıpýn Reseı astanasynyń zeınet jasyndaǵy jáne zeınetke deıingi jastaǵy jeti myń dárigerin jumystan bosatý máselesi qaralyp jatqanyn málimdedi, dep jazady VVS.
«Jumystan bosatylýy múmkin zeınetkerlerdiń sany 7 myń: 5 myńy - zeınet jasyndaǵylar jáne 2 myńy zeınet jasyna shyǵýǵa jaqyn qalǵandar , ıaǵnı eki jyldan keıin zeınetker atanatyndar. Jumystan shyǵarý máselesin bizdiń medıtsınalyq uıymdar áli zertep jatyr, naqty sheshim emes», - dedi Hrıpýn.
Osyǵan deıin Reseıdiń BAQ-tarynda Máskeýdiń densaýlyq saqtaý júıesin qaıta qurý barysynda birqatar aýrýhanalar jabylatyny habarlanǵan bolatyn. 2 qarasha kúni Máskeýde medıtsına qyzmetkerleri densaýlyq saqtaý reformasyna qarsy sherýge shyqty.
