Zeınet jasyna jetkendermen eńbek shartyn buzý erejesi ózgeredi
ASTANA. QazAqparat - Qazaqstanda zeınet jasyna jetkennen keıin ǵana eńbek shartyn buzý týraly eskertý jiberiledi. Bul týraly Senatta tilshilerge QR Eńbek jáne halyqty áleýmettik qorǵaý vıtse-mınıstri Svetlana Jaqypova málim etti, dep habarlaıdy QazAqparat.
«Eńbek kodeksine zeınetkerlik jasqa jetýi sebebi boıynsha eńbek shartyn buzý bóligine ózgerister engizilýde. Osynyń aldyndaǵy normada adamnyń zeınet jasyna jetýine deıin bir aı buryn shartty buzý týraly habarlandyrý eskerilgen. Endi qazirgi ózgeriste zeınetkerlikke shyǵý datasynan keıin bir aıdyń ishinde eńbek sharty buzylatyndyǵy jóninde habar beriledi», - dedi S. Jaqypova.
Onyń sózine qaraǵanda, bul qadam etıkalyq túsinikter aıasynda jasalyp otyr.
«Bul rette qosymsha merzimdi nege berip otyrmyz? Mysaly, zeınet jasyna jetkenge deıin qyzmette qajet emestigińiz týraly jáne jumys ornyn bosatýyńyz kerektigi jaıynda eskertip jatsa, bul óz kezeginde adamnyń kóńilin túsiredi. Sondyqtan da etıkalyq turǵyda oılastyra kele, osyndaı qadam jasamaqpyz. ıAǵnı adam esh ýaıymsyz óziniń zańdy zeınet jasyna deıin jumysyn isteýi kerek. Osy datadan keıin jumys berýshi eńbek shartyn buzý jónindegi eskertýdi jiberýdi qarastyra alady», - dep túsindirdi vıtse-mınıstr.
Aıta keteıik, búgin Senatta Áleýmettik-mádenı damý jáne ǵylym komıtetiniń keńeıtilgen otyrysy ótti. Onda «Qazaqstan Respýblıkasynyń keıbir zańnamalyq aktilerine halyqtyń jumyspen qamtylýy jáne kóshi-qony máseleleri boıynsha ózgerister men tolyqtyrýlar engizý týraly» zań jobasy talqylandy.
